Y asina un minister na Aruba por a keda sin bay Parlamento pa duna cuenta despues cu doorzoekingen a tuma luga na un departamento di Gobierno y na e Bureau di e minister, basa riba e sospecho di delitonan encuanto dunamento di permisonan di estadia/trabou, te cu e Minister mes a bira sospechoso.
Practicanan tradicional cu ta mina nos democracia pa decadanan caba, tin cu stop. MEP a demostra cu nan ta prefera baha Gobierno, na luga di goberna sin por call the shots den Parlamento. Cambio structural ta necesario. E no ta bay ta facil. Pero cu determinacion y consistencia, nos lo logra.
Dia 4 di april 2023 mandatarionan di Aruba, Corsou, Hulanda y Sint Maarten a firma e Onderlinge regeling samenwerking bij hervormingen.
Mi a tuma nota di diferente expresion, conclucion y pregunta tocante e Onderlinge regeling samenwerking bij hervormingen. Mi lo adresa esunnan mas resaltante.
Dia 31 di januari 2023 mi a asisti Prome Minister Wever-Croes den Parlamento cu un presentacion tocante e diferencianan principal entre Onderlinge Regeling Hervormingen y Rijkswet COHO. Tambe a asisti cu contesta preguntanan di miembronan di Parlamento.
Parlamento di Aruba tin e tarea di controla gobierno (ministernan), y tin un funcion co-legislativo. Dos instrumento cu parlamentarionan tin pa eherce nan tareanan, ta e derecho di entrega amienda y mocion.
